Николовски: Заокружуваме успешна година, во земјоделството исплатени 157 милиони евра

Од:

На 40 000 земјоделци, до утре, прв пат во историјата на државата, авансно ќе им бидат исплатени 30 проценти од субвенциите или 750 милиони денари. Поддршка ќе добијат и поледелците и овоштарите и градинарите и лозарите, рече денеска министерот за земјоделство, шумарство и водостопанство Љупчо Николовски.

Тој ги повика сите земјоделци да го искористат правото и до 30 декември да аплицираат за дополнителната поддршка на база на новиот модел на субвенционирање.

Николовски на средба со новинарите ја оцени измината година како успешна, со голем број реализирани реформи и програми. Во 2023-та, рече, вкупната реализација на Програмата за директни плаќања достигна 127 милиони евра, а реализацијата на Програмата за рурален развој над 11 милиони евра. Реализациајта на Програмата за поттикнување на потрошувачката на свежо овошје и зеленчук е близу 500 000 евра, на Интервентниот фонд скоро 5 милиони евра, додека вкупната исплата на средства од ИПАРД 2 програмата во 2023 година достигнува 13,3 милиони евра. Вкупно до сега, потенцира министерот, се исплатени 157 милиони евра директно вбризгани во земјоделскиот сектор.

-Ќе ја завршиме годината со 127 милиони евра директна поддршка кон земјоделците и со рекорден број апликации во делот на Програмата за рурален развој – беа доделени 730 трактори и беа склучени 206 договори за мерката „Бизнис план“ која е една од најуспешните. Имаме рекордна побарувачка за набавка на приплоден добиток што е одлично ако се земе предвид дека нашиот фокус во 2024 година ќе биде на сточарството. Побарувањето во само еден повик на крајот на годината е околу една милијарда денари, а моментно течат и останатите повици за набавка на комбајни за жито. Би ја издвоил за годинава и поддршката за младите, за земјоделките и за малите производители. Само во декември се склучија 450 договори, се исплтија грантови кон новоформираните мали семејни винарии и малите оператори со храна кои се македонската гордост, истакна Николовски.

Според него, 2023 година беше целосно фокусирана на производството на храна, односно на реализацијата на Националниот план за производство на храна донесен лани, како и на новиот модел на субвенционирање.

Николовски се осврна и на ИПАРД Програмата. Повтори дека сме прва земја во регионот што ја почна ИПРАД 3 Програмата и информира дека на првиот повик има проекти во вредност од 96 милиони евра.

Годинава, истакна Николовски, се донесоа и рекорден број европски закони, за вино, за зоотехника и за советодавни системи, а во собраниска процедура се и законот за вино, рибарство и аквакултура.

-Би ја заокружил годинава со рекорден извоз на вино и рекорден извоз на конзервната индустрија, потенцира Николовски.

Во 2024 година фокусот ќе биде ставен на сточарството каде субвенциите, според министерот, ќе бидат зголемени за 300 проценти.

Би можело да ве интересира

(ВИДЕО) Министерот Николовски заедно со земјоделците од Свети Николе денес ги потпишаа првите договори за продолжување на закупот на земјоделско земјиште

Николовски: Земјоделците од Кочанско рекордери во искористувањето на ИПАРД поддршката, утре ќе биде објавен новиот повик за мерката 3

Николовски од Берово: Продолжуваме со поддршката на жените земјоделки

Горан Наумовски

Николовски: Досега 838 млади земјоделци успешно ја реализирале поддршката со мерките на МЗШВ

(ВИДЕО) Николовски: Со реализирани 63,1 милиони евра за над 2.100 реализирани инвестиции успешно ја заокружуваме ИПАРД 2 програмата

Горан Наумовски

(ВИДЕО) Николовски од кавадаречка Марена: Лозарите добиваат гарантирана откупна цена на винското грозје