Невработеноста во Грција достигна рекордно ниво од 26 проценти во последното тримесечје на 2012 година, додека мерките за штедење во комбинација со длабоката рецесија се одразуваат и на работната сила на земјата.
Во третото тримесечје од минатата година невработеноста изнесувала 24,8 отсто, а во последните три месеци на 2011 година 20,7 проценти.
Националната статистичка служба денеска објави дека 1,29 милиони луѓе биле без работа во периодот октомври-декември 2012 година. Во старосната група под 25 години невработеноста изнесува 57,8 отсто. Меѓу жените процентот изнесува 29,7 проценти, а кај мажите 23,3 отсто.
Грција преживува благодарение на меѓународните заеми за спас, доделени во замена за тешка програма за намалување на трошоците и зголемување на даноците.