Просечната месечна исплатена бруто-плата по вработен, во декември 2012 година изнесува 31.466 денари и е за 0,4 отсто поголема во споредба со декември 2011 година, а износот на нето платата е 21.469 денари или за 0,3 отсто повеќе во однос на истиот месец од 2011.
Според податоците на Државниот завод за статистика, зголемувањето на бруто-платата се должи на поголемите исплатени плати во секторите Информации и комуникации за 4,4 отсто, Земјоделство, шумарство и рибарство 4,2 и Дејности на здравствена и социјална заштита 3,4 отсто, а кај нето-платата во секторите Земјоделство, шумарство и рибарство за 4 отсто, Информации и комуникации 3,8 и Дејности на здравствена и социјална заштита 3,5 отсто.
Зголемување на просечната месечна исплатена бруто-плата по вработен, во однос на ноември 2012, е забележано во секторите Информации и комуникации за 41,9 отсто, Трговија на големо и трговија на мало; поправка на моторни возила и мотоцикли 8,1 и Снабдување со електрична енергија, гас, пареа и климатизација 6,6 отсто. Кај нето-платата зголемување е забележано во секторите Информации и комуникации од 45,8 отсто, Трговија на големи и трговија на мало; поправка на моторни возила и мотоцикли 7,9 и Снабдување со електрична енергија, гас, пареа и климатизација 6,5 отсто.
Во декември 2012 година 2,1 отсто од вработените во Република Македонија не примиле плата.