Руската инвазија врз Украина ќе влијае врз целата глобална економија, ќе го забави нејзиниот раст и ќе ја зголеми инфлацијата и може суштински да го преобликува глобалниот економски поредок на долг рок, смета Меѓународниот монетарен фонд (ММФ).
Покрај човековото страдање и историската река бегалци, војната поттикнува раст на цените на храната и енергијата, ја поттикнува инфлацијата и ги еродира вредностите на приходите, ги наруши трговските текови, синџирите на снабдување и приливот на дознаки во соседните земји на Украина, се наведува во анализата објавена на официјалната веб страница на ММФ.
Конфликтот во Украина, додава ММФ, ја поткопува деловната доверба и предизвикува несигурност кај инвеститорите, што ќе ги намали цените на имотите, ќе ги заостри финансиските услови и може да предизвика одлив на капитал од пазарите во развој.
Извор: МИА