Глобалната економија се држи многу добро, но и се заканува опасност во вид на високи долгови и низок раст, изјави денеска во Вашингтон директорката на Меѓународниот монетарен фонд (ММФ) Кристалина Георгиева.
Во тој случај, светот би се соочил со период на ниски плати, бројот на работни места би бил помал, а владите би имале помалку средства за потрошувачка и инвестиции.
Според неа, повеќето земји во светот очекуваат таканаречено „меко приземјување“, односно пад на стапката на инфлација без да западнат во рецесија, но повеќето луѓе се уште се неизвесни за нивните економски перспективи.