Извршниот одбор на Меѓународниот монетарен фонд е подготвен денеска да одобри 1,4 милијарди долари итна помош за Украина за да и помогне да одговори на руската инвазија. Тоа го изјави синоќа извршната директорка на ММФ Кристалина Георгиева.
На форумот организиран од Фајненшл тајмс, Георгиева рече дека средствата се над 700 милиони долари исплатени од ММФ за Украина во декември и 2,7 милијарди долари резерви за итни случаи што таа ги доби како дел од распределбата на ММФ во август.
Таа додаде дека персоналот на ММФ бил вклучен во секојдневните разговори со украинските власти за да им помогне да се справат со економската криза предизвикана од руската инвазија и да мобилизираат финансиска поддршка и ресурси.
Извор: МИА