Меѓународниот монетарен фонд (ММФ) се очекува денеска да му ја одобри следната транша на Кипар од приближно 86 милиони евра, соопштуваат кипарските грчки електронски изданија.
Траншата е дел од меѓународната финанансиска помош, што Кипар ја добива од Еврозоната и ММФ, откако островот западна во криза.
Се смета дека извештајот на фондот за Кипар ќе биде позитивен, откако земјата ги реализира сите поставени цели во рамки на договорот со тројката меѓународни кредитори (ЕУ,ЕЦБ,ММФ).
Следната мисија на тројката во Кипар се очекува да почне на 15 јули, а нејзините претставници ќе останат на островот до 29 јули.