Стапката на данокот на додадена вредност нема да се менува, изјавија од Министерството за финансии за МИА.
Како што истакнуваат од Министерството по однос на одредени информации кои излегоа во јавноста дека е планирано зголемување на ДДВ-то, такво нешто не е предвидено во Програмата на Владата, ниту некогаш било дискутирано.
Од Министерството за финансии велат дека до крајот на годината ќе се отвори јавна дебата за евентуално воведување на прогресивна стапка за персоналниот данок на доход.