Премиерите на Русија и на Србија, Дмитриј Медведев и Александар Вучиќ, разгледаа денеска проекти за испорака на природен гас, алтернативни на Јужен поток.
Двете страни потпишаа меморандум за соработка во економијата, привлекување инвестиции и реализација на заеднички проекти. Документот беше потпишан по руско-српските преговори во Москва, јави Тасс.
– Србија оваа година зема замав на рускиот пазар при што увозот од таа држава е зголемен за 40 отсто, наведе Медведев.
Вучиќ го покани Медведев во официјална посета на Србија во текот на идната година, јавуваат српски медиуми.