Стопанската комора на Македонија во соработка со ХОТАМ и Стопанската комора на регионот Венето, Република Италија, денеска организира билатерални бизнис средби на македонски и италијански компании.
На форумот ќе учествуваат стопанственици од областа на угостителството и производството на мебел, внатрешно уредување и опрема за професионални кујни. Тие се во посета на Македонија со цел воспоставување деловни контакти.
Бизнисмените од Италија ќе се запознаат со можностите за инвестирање во земјава, како и со потенцијалите за водење бизнис во неколку стопански комори.