Кредитната агенција Standard & Poor’s, за едно ниво го намали кредитниот рејтинг на Македонија.
Оваа агенција смета дека од започнувањето на глобалната финансиска криза, транспарентноста на македонските јавни финансии опаѓа, како и дека шансите за некаков позначаен економски раст се ослабени.
Според наше мислење, политичките институции на Македонија се засилено ослабени поради тоа што има неадекватни контролни механизми. Поради ова, се зголемуваат скриените трошоци на јавните инвестиции. Предвидуваме дека инвестирањето во непродуктивни добра ќе влијае врз потенцијалните можности за растеж на Македонија. Сметаме дека бизнис-климата е добра за големи странски инвеститори, но помалку охрабрувачка за домашните мали и средни компании.
Помеѓу септември 2012 и февруари 2013, Владата договори надворешно задолжување, делумно за да ги исплати акумулираните долгови и да го врати ДДВ-то на компаниите. Според наше мислење, постои ризик за кусок во приходите во текот на 2013 и натамошна акумулација на владините долгови, особено ако има пречекорување на трошоците”, се вели во извештајот на “Стандард и Пурс” објавен вчера.
Агенцијата смета и дека настаните од 24 декември лани, кога опозицијата беше исфрлена од Собранието во дебатата за зголемените владини задолжувања, и натаму ќе ги комплицираат изгледите на Македонија за евентуален влез во ЕУ.