Студенти од Економскиот, Машинскиот, Природно-математичкиот и Филолошкиот факултет и Универзитетот Американ Колеџ со помош на организацијата „Македонија 2025“ ги посетија Дирекцијата за Технолошко-индустриски развојни зони и фабриката Џонсон Мети.
Посетата е дел од образовната програма „Мотивирање на иднината“ на „Македонија 2025“ чија цел е да ги запознае студентите со некои од најуспешните компании во Македонија, нивните активности, како и основните вредности кои тие ги бараат од своите вработени.
На средбата со директорот на Дирекцијата за Технолошко-развојни зони Виктор Мизо студентите се запознаа со развојните зони во Македонија и бизнис концептот со кој тие работат на привлекување странски директни инвестиции. Мизо ги информира дека според ФДИ Магазине македонските зони се рангирани во топ 50 слободни зони на иднината во светот, а според ФДИ Интелигенc, една од инвестициите во македонските зони, односно Дрекселмаер во Кавадарци е прогласена за најдобар производствен капацитет во светот.
Во Џонсон Мети, на студентите им беа презентирани главните активности на компанијата и производите што ги изработуваат. Притоа од страна на генералниот менаџер Џатин Такрар им беше укажано дека рангирањето на компанијата меѓу најдобрите три во рамки на групацијата се должи на квалитетните производи, навремената испорака и на енергичната работна сила.