Унгарската авиокомпанија “Виз Ер“ со субвенции од Владата денеска најави летови кон шест нови дестинаации од Македонија по цени кои во еден правец со вклучени аеродромски такси ќе се движат од 8,99 евра до 17,99 евра.
Од 28-ми октомври годинава Визер треба да почне со летови од Скопје кон Дортмунд и Ајнховен, а цената на билетите кои се веќе во продажба во еден правец со вклучени такси ќе изнесува 12,99, односно 17,99 евра.
Двапати неделно унгарскиот авиопревозник ќе сообраќа кон Малме, Милано и Минхен од 29 октомври, за каде билетите ќе чинат по 17,99 евра и 8,99 евра. Трипати неделно “Виз Ер“ ќе лета до Базел од 30 октомври, а цената на билетот е, исто така, 17,99 евра. Од следното лето, според Стивенсон, “Виз Ер“ ќе воведе летови и кон Брисел, а се размислува и за Рим и Барселона зависно од потребите на граѓаните.
Според најавите, ќе се вработуваат лица од Македонија вклучувајќи го и пилотскиот кадар кој првично ќе биде од странство.