Прометот на меѓународниот организиран криминал изнесува 870 милијарди долари годишно, што е шест пати повеќе од обемот на официјалната помош на ОН за развој, соопшти Управата на ОН за борба против наркоманијата и криминалот (УНОДЦ)
Тоа е 1,5 отсто до светскиот бруто општествен производ или седум отсто од обемот на светскиот увоз.
Запирањето на оваа транснационална закана е еден од најголемите светски предизвици за меѓународната заедница, нагласи извршниот директор на оваа агенција на Он Јуриј Федотов, пренесоа светските агенции.
УНОДЦ во соопштението наведува дека организираниот криминал секоја година создава милиони жртви, а само во трговијата со луѓе има 2,4 милиони жртви.
Според податоците на УНОДЦ, обемот на трговијата со наркотици достигнува 320 милијарди долари.
Според податоците на Управата, шверцот на криминалците им донесува 250 милијарди долари годишно, а на трговијата со луѓе се заработуваат 32 милијарди долари.
Според оценката на УНОДЦ, од нелегалното префрлање на мигранти криминалците заработуваат седум милијарди долари годишно, од прометот со дрвена граѓа само во југоисточна Азија 3,5 милијарди долари, а од нелегалната продажба на слонова коска, рогови од носорог и делови од тигри околу 75 милиони долари.