Директорот на Царинската управа на Косово, Бахри Бериша, на предновогодишната традиционална средба со новинарите, изјави дека годинава приходите на Управата достигнале 1,1 милијарда евра.
– Тоа значи дека сме оствариле 65 милиони евра повеќе споредено со минатата година и 10 милиони повеќе од зацртаната проекција на Владата, рече Бериша.
Според него, годинава увозот достигнал 3,4 милијарди евра, додека извозот од 434 милиони евра е за осум отсто повисок споредено со лани.