КОП27: Јордан и Израел ќе разменуваат струја за вода

Од:

Израел и Јордан денеска на маргините на КОП27 во Египет потпишаа меморандум за разбирање за размена на вода за електрична енергија добиена од соларните електрани.

Меморандумот е дел од идејата, предложена пред една година, Јордан да изгради 600 мегавати соларен капацитет и да извезува електрична енергија во Израел. За ова Израел ќе испрати 200 милиони кубни метри десалинизирана вода во Јордан.

Меморандумот беше потпишан на климатскиот состанок на Обединетите нации во египетскиот Шарм Ел Шеик, настан организиран од Обединетите Арапски Емирати.

Во 2020 година, ОАЕ станаа првата земја од Заливот што ги формализираше односите со Израел и се партнери во овој проект.

Министерството за енергетика на Израел објави дека експерти од двете земји имале состаноци минатата година за да ги координираат финансиските, логистичките и регулаторните аспекти на проектот.

Потпишувањето на Меморандумот ја изразува заедничката желба на земјите да се справат со климатската криза преку прекугранична соработка, објави израелското Министерство за енергетика.

Извор: МИА

Би можело да ве интересира

Руско-израелски новинар доби забрана за влез во Србија: „Ми дадоа документ дека сум безбедносен ризик“

A1on

Германската влада крие информации за оружје и воени злосторства во Газа

Бени Ганц, член на воениот кабинет на Нетанјаху, најави оставка

A1on

Во Израел се одржаа демонстрации за ослободување на заложниците, уапсени 33 лица во Тел Авив

Америка до Израел: Ако е вистина дека се убиени 14 деца, тие не се терористи

Орце Костов

ВИДЕО: Израел нападна училиште на ОН во Газа, 27 мртви