Подобрување на бизнис климата во Кочани и можноста за донесување нови инвеститори, искористувањето на геотермалните води и Пониква како најпривлечна локација за вложувања во планинскиот туризам,се приоритетите на општината во наредниот период.
– Кочани има добро развиен план во врска со спа-туризмот. Неколку локации се подготвени за изградба на вакви објекти,но постои и конкретен проект кој ќе биде промовиран од Владата и нејзините институции, со оглед на тоа што капацитетите на ГТВ на овој регион се големи. Предвидени се локации за хотели и спа центар на потегот под градскиот базен,изработени се урбанистички решенија и тоа целосно треба да се искористи, изјави градоначалникот на Кочани Ратко Димитровски.
Во изминатиот период Општината подготви неколку можни индустриски зони, за кои се изработени и потребните урбанистичките планови. Овие испарцелизирани површини можат да се нудат на странски инвеститори, а како најатрактивни, според Димитровски, се оние кај некогашната фабрика за Целулоза и хартија и кај потегот над магистралниот канал за наводнување на влезот во Кочан и населбата Оризари.