Компанијата „Саут стрим“ склучи договор со фирмата „Центаргаз“ за изградба на гасоводот „Јужен поток“ на територијата на Србија, јави ИТАР-ТАСС.
„Центаргаз“ е инвестициско-градежен холдинг, ќерка компанија на „Газпром“ и таа ќе биде задолжена за проектирањето, доставките на опремата и материјалите, градежно-монтажните работи обуката на персоналот и воведувањето на „Јужен поток“ во експлоатација на територијата на Србија.
Условите во договорот предвидуваат како подизведувачи на одделни видови градежни работи да бидат ангажирани српски компании.
На тендерот за изградба на гасоводот, објавен во март оваа година учествуваа четири компанјии од Русија и од Србија.