Кина планира да инвестира околу 170 милијарди јуани (24,81 милијарда долари) за изградба на патишта во Ксинџијанг-Ујгурскиот автономен регион, јави ТАСС.
Стотици лица загинаа изминатите години во немирите во регионот, за кои Пекинг ги обвинува исламистите, кои се обидуваат да создадат независна држава под името „Источен Туркестан“.
Владата сепак призна дека незадоволството е потттикнато и од економски проблеми и инвестира пари за развој на регионот.
Кина ќе инвестира вкупно 8,1 милијарда јуани (1,1 милијарди долари) за изградба на железнички линии и 4,8 милијарди јуани (700 милиони долари) за изградба на цивилни аеродроми. Во однос на лани средствата за тие две цели се зголемуваат за 50 отсто.
Според планот ова година ќе почне изградба на магистрали со должина од шест илјади километри, чие завршување по неколку години може да ги намали патните трошоци во регионот за 30 отсто.