Грчката агенција за приватизација, објави дека на продажба се ставени 110 најубави плажи во државата.
Според пишувањето на медиумите, властите се одлучиле на ваков чекор со цел да дојдат до пари, со кои би го намалиле долгот на Грција кон странските доверители.
Плажите на Санторини, Халкидики, Скијатос и други туристички центри всушност ќе бидат во посед на новите сопственици во наредните 50 години.
На продажба се ставени и плажата Замок, која што е омилена помеѓу туристите, Мирор која се наоѓа во Кефалонија во дното на две планини како и најубавата плажа на светот Порто Катсики во Лефкада.
Е. Г.