Комисијата за економски прашања на грчкиот Парламент денеска го усвои пакетот предлог-закони со кои се предвидуваат серија измени, меѓу кои и во државниот сектор и даночната политика, чие усвојување е услов за продолжување на финансиската помош од меѓународните кредитори за Грција.
„За“ пакетот предлог-закони гласаа претениците од Нова демократија и ПАСОК, додека претставниците на Демократската левица, која минатиот месец ја напушти владејачката коалиција, се изјаснија „против“.
Дебатите за пакет предлог-законите, каде се вклучени над 100 измени ќе продолжат на пленарна седница на Парламентот, а по нив најверојатно ќе се гласа в среда.
Во исто време, вработените во локалната власт продолжија со „окупација“ на зградите на општинските администрации во Атина и другите градови, во знак на протест поради плановите за намалување на платите на државните службеници.