Бруто домашниот производ на Германија пораснал за 0,3 проценти во последниот квартал на последната година со што таа покажува отпорност од економското забавување и негативните трендови на светско ниво, јавува дописникот на МИА од Белрин.
Според Федералната канцеларија за статистика во Визбаден нивото на раст на економијата во периодот Октомври – Декември 2015 година е на исто ниво како претходните три месеци со што вкупниот раст за цела претходна година во најсилната европска економија е на ниво од 1,5 %.
– Германската економија ја заврши 2015 со пристоен раст, а 2016 година би можела да биде со поголеми предизвици, вели Карстен Бржески аналитичар на банката ИНГ – Диба во Франкфурт според кого главни ризици за Германија оваа година ќе бидат забавениот раст во Кина, проблемите во Еврозоната, ниската цена на нафатата и можното ослабување на економијата во САД.
Растот на германската економија во последниот квартал на 2015 година се должи на зголеменатата домашна побарувачка, поголемото владино трошење поради бегалската криза, како и зголемени инвестиции и градежништво, а главен негативен фактор е намалениот извоз за сметка на увозот на странски производи. Германија како најбогата и еконосми најсилна членка на Еврозоната од која што во најголема мера зависи растот во Европската унија оваа година ја започна со влошена статистика во индустриското производство , зголемени плати за 2,5 % и рекордни ниска невработеност.