Фирмата што управува со аеродромот Франкфурт-Хан прогласи банкрот

Од:

Компанијата што управува со „нискобуџетниот“ германски аеродром Франкфурт-Хан, лоцирана на околу 100 километри од Франкфурт, прогласи банкрот, јави ДПА.

Аеродромот е 82,5 отсто во сопственост на кинескиот конгломерат ХНА. Акциите ги купиле од покраината Рајнланд-Пфалц, во 2017 година за околу 15 милиони евра. Останатите 17,5 отсто ги поседува покраината Хесен. Неодамнешното апсење на високите раководители на финансиски проблематичната ХНА предизвика пресврт. Кинеската компанија тогаш нагласи дека тоа што се случува нема да влијае на аеродромот и на почетокот на октомври увери дека бизнисот оди добро.

Аеродромот е поранешна база на американските воздухопловни сили, а потоа стана база на нискобуџетната авиокомпанија Рајанер. Имаше бум во воздушниот транспорт како резултат на зголемените проблеми со засиленото купување преку интернет и поради проблемите со поморскиот транспорт. Сепак, дури и пред пандемијата, патничкиот сообраќај низ Франкфурт-Хан се намали по максималните околу четири милиони луѓе годишно. Рајанер го намали бројот на летовите од аеродромот и ги пренасочи кон поголемите аеродроми во регионот. Раководството на аеродромот претходно призна дека за 2020 година нема да пријави добивка, но предвидува враќање на профитабилноста во 2024 година.

Би можело да ве интересира

Аксиос: Германија го повика американскиот Конгрес да не воведува санкции за Северен тек 2

Ана Ололовска

Омикрон варијантата на коронавирус пристигна во Германија

Ана Ололовска

Стејт департментот предупредува да не се патува во Германија

Ана Ололовска

Германија нема да воведува задолжителна вакцинација против Ковид-19

Катерина Павлова-Николовска

Шпан: Пандемијата ја зголеми економската зависност на Германија од Кина

Ана Ололовска

Меркел повика на национални напори против коронавирусот

Ана Ололовска