Еврозоната и постави рок на Атина најдоцна до утре да ги заврши преговорите со претставниците на „тројката“ меѓународни кредитори, посветени на исплатата на нова транша од помошта за Грција.
Како што тврди весникот „Етнос“ повикувајќи се дипломатски извори во Брисел, во предупредувањето на еврозоната било наведенао дека ако Грција не го испочитува поставениот рок, исплатата на траншите од помошта ќе биде замрзната за период од три месеци.
Според весникот, главниот спор во овие преговори меѓу Грција и „тројката“ бил околу отпуштањето на вработени од државниот сектор.
Од преговорите меѓугрчките власти и „тројката“ зависи исплатата на траншата од помошта во износ од 8,1 милијарди евра, кои Атина очекува да ги добие до крајот на овој месец.