Освежениот „Џип Гранд Чироки“ (Jeep Grand Cherokee) европската премиера ќе ја има на Саемот на автомобили во Женева 2013.
Освен козметичките измени на купувачите ќе им бидат достапни и некои механички унапредувања.
Откако за прв пат беше прикажан во јавноста на детроитскиот авто-салон во јануари 2013 година, европска публика ќе има можност да го види рестилизираниот „Гранд Чиорки“ на почеткот на март на Саемот на автомобили во Женева.
Популарниот американски СУВ во Европа пристигнува со надворешни стилски измени. Целосно е изменета формата на предниот браник, што сега изгледа посовремено и заоблено во однос на претходната верзија. Фаровите, покрај дневните ЛЕД светла, добија и поинаква форма, додека формата на маската на ладилникот е омекната така што не е толку доминантна како до сега.
Измените го зафатија и задниот браник и стоп светлата, додека место кружните сега се ставени трапезоидни издувни цевки.
Внатрешноста на автомобилот е опремена со нов YConnect мултимедијален систем со 8,4 инчен екран, чувствителен на допир.
На купувачите во Европа ќе им се понудат Laredo, Limited, Overland и Summit пакетите со опрема, додека изборот на погонските агрегати ќе се состои од бензински V6 и V8 мотори, како и V6 дизел единица.
Кај сите мотори ќе биде достапен и осумбрзински автоматски менувач, што, според зборовите на луѓето од компанијата „Jeep“, треба да придонесе за намалување на потрошувачката на гориво и штетни емисии.
МИА