Индиските рафинерии ги зголемија испораките на дизел и авионско гориво во ЕУ откако увозот на руска нафта во земјата се зголеми на рекордно ниво во фискалната година 2022-2023 година, објави Ројтерс, повикувајќи се на прелиминарните податоци за следење на бродовите од Киплер и Вотека.
ЕУ ја користи Индија како „задна врата“, со оглед на наглото зголемување на увозот на руска нафта во Њу Делхи откако западниот блок воведе санкции кон Русија.
Во изминатите и првите три месеци од оваа година, индиските рафинери купуваа меѓу 970.000 и 981.000 барели руска нафта дневно, што е повеќе од една петтина од вкупниот увоз на земјата, кој изнесуваше меѓу 4,5 и 4,6 милиони барели дневно.
Пониските цени на руската нафта им овозможија на азиските рафинерии да го зголемат производството и да продаваат нафтени деривати во ЕУ по конкурентни цени.
Според Киплер, Индија ја снабдувала ЕУ со просечно 154.000 барели дизел и авионско гориво дневно пред конфликтот во Украина. Количината се зголеми на 200.000 барели дневно откако ЕУ во февруари воведе ембарго за увоз на руски нафтени деривати, покажуваат податоците.
Индискиот извоз на дизел во Европа скокна помеѓу 12 и 16 отсто на 150.000-167.000 барели дневно во последната фискална година, бидејќи западните купувачи ги избегнуваа руските производи, зголемувајќи го уделот на Њу Делхи во извозот на гориво на 30 отсто од 21-24 отсто минатата година.
Според Киплер, Европа сочинува околу 50 отсто од извозот на гориво за авиони во Индија, а Франција, Турција, Белгија и Холандија се меѓу најголемите европски потрошувачи на дизел преработен во оваа азиска земја.