Министрите за финансии од еврозоната се договорија денеска да и одобрат на Грција нова транша од спасувачкиот пакет во износ од 6,8 милијарди евра, која ќе биде поделена на помали износи, изјави белгискиот министер за финансии Коен Генс.
Првиот износ од четири милијарди евра од европскиот спасувачки пакет, Грција ќе го добие уште овој месец.
Вториот дел од 1,8 милијарди евра ќе и го исплати Меѓународниот монетарен фонд следниот месец, а последната транша од една милијарда евра ќе биде обезбедена од еврозоната во октомври.