Трговскиот договор меѓу Украина и ЕУ ќе почне да се применува од 1 јануари 2016 година и покрај повиците на Русија неовата имплементација да биде одложена, изјави денеска комеасрот на ЕУ за трговија Сесилија Малмстром.
– Русија нема да одлучува за тоа. Јасно е порачано од ЕУ и од Украина дека 1 јанаури 2016 година ќе биде датум за стапување на сила на договорот, наведе Малмстром.
Почетокот на 2016 година е веќе една година подоцна од планираниот датум поради противењето на Русија на напорите на ЕУ да ја интегрира Украина и оддалечи од сферата на руско влијание.
Рускиот претседател Владимир Путин предупреди дека Москва ќе блокира пристап на Украина до руски пазари доколку Киев примени кој било дел од трговскиот договор со Брисел.
ЕУ наведува дека е подготвена да разговара со Русија за нејзината загриженост во врска со трговијата и оти во овој месец ќе се одржи трилатерална средба со Москва и Киев.