Европската унија и Тајланд се договорија да започнат со преговори за слободна трговија, изјавија вчера претседателот на Европската комисија Жозе Мануел Баросо и премиерката на Тајланд Јинглук Шинаватра.
-Договорот за слободна трговија ќе стане важна алатка за засилување на нашата трговија и инвестиции, односно за двостран развој и отворање на работни места- истакна Шинаватра.
Таа изрази надеж дека разговарите бргу ќе бидат заклучени и дека ќе се постигне балансиран договор.
Баросо нагласи дека трговијата помеѓу Тајлан и ЕУ во 2011 година изнесуваше речиси 30 милијарди долари.
Елена Георгиевска