Државата ги намали обврските кон компаниите за 72,4 милиони евра

Од:

 Обврските на државата кон стопанството од септември, кога Владата најави исплата кон компаниите по основ поврат на ДДВ и за договорни работи, е намален за 4,4 милијарди денари или 72,4 милиони евра.

Како што соопшти Министерството за финансии на средината на септември, кога почна акцијата на отплата, обврските по основ на поврат на ДДВ и исплата на договорни работи изнесуваше 5.653.277.738 денари  или 92 милиони евра. Заклучно со денеска, обврските на државата кон стопанството се намалени на 1.198.000.000  денари, односно на 19,5 милиони евра. Со тоа обврските од почетокот на отплатата се намалиле за 4,4 милијарди денари  или 72,4 милиони евра.

Ова, како што наведуваат од Министерството,  докажува дека исплатата се одвива согласно утврдената динамика и ќе се реализира во ветениот рок, заклучно со февруари.

Владината мерка почна во септември минатата година, со цел подобрување на ликвидноста на фирмите.

Министерството за финансии истакнува дека Македонија е единствена од земјите во регионот која пристапи кон решавање на заостанатите обврски кон фирмите што беше признаено и пофалено од Светска банка и ММФ.

Би можело да ве интересира

До Владата засега не е пристигнато предлог-решение за правична застапеност, вели Митева

СДСМ: 100 дена Влада на Мицкоски, 100 дена изговори, скандали и разочарувања

Пензионерите од денеска со повисоки пензии за 2500 денари

ДУИ: Одлуката на ЕУ да ја одвои Албанија од Македонија е најголемиот неуспех за владата

Во Охрид во тек е меѓувладината седница на македонската и на унгарската влада

Влада: 250 милиони евра за 357 понудени проекти