Дојче бан: Популарната шема за месечни билети од девет евра е голем успех

Од:

Популарната шема за месечни билети на германскиот железнички оператор Дојче Бан завршува следната недела, а директорката за регионален транспорт на компанијата Евелин Пала го прогласи експериментот за голем успех.

Околу 26 милиони луѓе купија месечни билети за јуни, јули и август само преку продажните места на Дојче Бан, објави Пала.

Таа додаде дека „секој петти купувач на месечен билет од 9 евра повторно го открил јавниот превоз“.

– Во тримесечниот период повеќе патници патувале со јавен превоз со месечен билет отколку пред пандемијата, рече Пала.

Колку билети се продадени низ целата земја се уште не е познато, а Здружението на германски транспортни компании (ВДВ) има намера да ги објави податоците во понеделник.

Здружението на почетокот на август соопшти дека во првите два месеца преку продажните места на сите германски транспортни компании биле продадени околу 38 милиони билети во вредност од 9 евра, со околу 10 милиони патници кои веќе имале сезонски билети.

Извор: МИА

Би можело да ве интересира

Новата германска влада подготвува казна за Орбан

Германскиот парламент почнува со работа, АфД за прв пат најсилна опозиција

ВИДЕО: Во Берлин трет неонацистички собир, се собраа и контрадемонстранти

ВИДЕО: Се урна мал авион во Германија, од остатоците извлечено шестгодишно девојче

Захарова: Москва нема намера да ја нападне Германија

Мерц се обидува да добие поддршка од Зелените за измени на законот за ограничување на долгот