Европската банка за обнова и развој (ЕБРД) ќе го зголеми финансирањето на Грција во 2018 година до две милијарди евра, изјави директорот на банката за Грција и Кипар Сабина Џиурман, пишува весникот „Етнос“.
Таа истакна дека ЕБРД одредила над една милијарди евра за да помогне за економскиот раст на Грција, но во таа сума не се вклучени финансиските линии за трговија.
– Оваа година ќе направиме повеќе отколку во 2016 година и планираме да стигнеме до две милијарди евра во текот на следната година, наведе Џиурман.
ЕБРД ќе инвестира во Грција до 2020 години и поради ограниченото време брза со инвестициите.
Досега банката обезбедила 250 милиони евра со цел да помогне за рекапитализација на четири водечки грчки банки.