Денеска во салонот на „Дајнерс Клуб“ во трговскиот центар Скопје Сити Мол беше промовирана бесплатната апликација DinersClubMK на „Дајнерс Клуб Македонија“, специјално изработена од „Дуна Компјутери“ за iOS уредите на „Епл“, „ајфон“, „ајпад“ и „ајпод тач“. Се работи за прва апликација од ваков тип во Македонија изработена за финансиска институција, а втора на светско ниво на DCI.
Апликацијата овозможува брз и едноставен пристап до сите новости поврзани со „Дајнерс Клуб Македонија“, следење на промоции, секојдневни попусти и понуди на денот, како и преглед на сите продажни места во Македонија. Корисниците на апликацијата можат да пребаруваат банкомати, трговски центри или продажни места по категории, градови и оддалеченост, додека преку овозможени геолокациски услуги се нуди најблиската локација до корисникот.