Македонија е меѓу петте земји во светот со најлоша економија. Ова е оценката на американскиот телвизиски сервис CNN, кој во групата ги стави и Конго, Судан и Белорусија во текстот со наслов „Најлошите светски економии“.
Причината зашто Македонија доби ваква оценка според анализата на CNN е невработеноста која според телевизијата изнесува 31, 2 проценти и е меѓу најголемите.
Како што наведува телевизијата „оваа невработеност е упорно голема со години наназад и покрај солидниот економски раст“.
CNN наведува и дека „оваа бројка на невработеност не е целосна зашто според набљудувачите на состојбите не е вклучен и сивиот пазар што е значаен дел од севкупната економска активност на земјата“.