Бундесбанк: Германците во текот на пандемијата повеќе користеа готовина

Од:

Побарувачката за готовина се зголеми во Германија за време на пандемијата во 2020 година и покрај широкиот спектар на опции за плаќање, покажа истражувањето на централната банка.

Вкупната вредност на банкнотите издадени во 2020 година се зголеми за 9,5 проценти, објави Бундесбанк. Тие исто така забележуваат дека побарувачката драстично се зголемила на почетокот на пандемијата во март минатата година.

– Претпоставувам дека луѓето во пандемијата собираа готовина бидејќи ги мачеше несигурноста, но и затоа што немаа шанса да ги потрошат, истакна извршниот директор на Бундесбанк, Јоханес Берман.

Според него, „пандемијата на коронавирусот предизвика голема несигурност“.

– Се уште не може да се процени кога и како овој тренд ќе се нормализира во услови на опаѓање на случаите на зараза и олеснување на ограничувањата, додаде официјалниот претставник на Бундесбанк.

– Забележуваме дека готовинските депозити повторно растат во филијалите на банките и дека луѓето се повеќе подигаат пари, додаде тој.

Бундесбанк проценува дека 40 проценти од побарувачката е генерирана од желбата на граѓаните да чуваат готовина дома, а можна причина за растот е обидот на граѓаните да избегнат негативни каматни стапки на заштедите.

Комерцијалните банки во еврозоната плаќаат негативни каматни стапки од 0,5 проценти на депозити во Европската централна банка (ЕЦБ) и многу од нив се повеќе ги префрлаат трошоците не само кон компаниите, туку и кон граѓаните, јави ДПА.

Би можело да ве интересира

„Алијанц“: „Поплавата на векот“ ќе не чини 500 милиони евра

Ана Ололовска

Пет лица се сметаат за исчезнати во големата експлозија во Леверкузен

Ана Ололовска

Германски пензионер во подрум чувал нацистички тенк, не знаат за што да го судат

Жарко Настоски

ВИДЕО: Еден загинат, четворица исчезнати по експлозијата во Леверкузен

Ана Ололовска

ВИДЕО: Експлозија во хемиски комплекс во Леверкузен

Ана Ололовска

Германец даруваше милион евра за настраданите во поплавите