Американскиот производител на авиони „Боинг“ соопшти дека ја зголемил цената на своите комерцијални авиони за 5,5 отсто, иако на големите порачки и натаму се применуваат попусти.
Во соопштението на компанијата се наведува дека цената на патничките авиони е зголемена поради високите трошоци за плати, имот и услуги.
На Интернет страницата на „Боинг“ стои дека цената на најновиот модел на теснотрупен авион 737 МАКС 8 сега изнесува 100,5 милиони долари, додека широкотрупниот модел 747-8 чини 351,4 милиони долари.