Германскиот производител на луксузни автомобили „БМВ“ повлекува околу 750.000 возила ширум светот, заради можни проблеми со струјата, соопшти компанијата.
Повлекувањето, пред се, се однесува на околу 500.000 автомобили произведени во САД, односно на различни верзии на сериите 1 и 3, произведени меѓу март 2007 и јули 2011 година, како и на моделот „З4“ произведен меѓу март 2009 и јуни 2011 година, пренесоа агенциите.
Исто така, ќе биде повлечен дел од автомобилите продадени во Канада, Јапонија и Јужноафриканската република, наведе компанијата.
„БМВ“ ги повлекува автомобилите заради проблемот со конекторот за акумулатор, што може да пукне и да доведе до губиток на електрична енегрија во возилото, што, пак, доведува до тоа автомобилот непланирано да застане и на тој начин евентуално да предизвика судар.