Дали во понеделник, кога вообичаено заседава регулаторната комисија за енергетика, повторно и колку ќе се удри по џебот на граѓаните. Дека ќе има покажување на цените на бензините е веќе извесно, иако од Регулаторна молчат, бидејќи цената на суровата нафта на светските берзи го надмина нивото од 114 долари за барел.
Цената на литар безоловен бензин во Франција и во Италија ја помина психолошката граница од 2 евра.
Но француската влада реагираше експресно, времено ги намали акцизите на бензинот и на дизелот , за да може да се намалат и цените на бензините во малопродажба.
Во Германија литар бензин е едно евро и 76 центи, но и таму се очекува да надмине две евра.
Оваа мерка, опозицијата ја бара и од владата на Македонија, но засега без ефект. Премиерот Никола Груевски вчера изјави дека Владата ниту ја одредува цената на бензинот, ниту цената на струјата, ниту на парното, и дека не се среќни поради поскапувањата, но не се изјасни и за можноста да се откажат од акцизите.
Покачувањето на цената на бензините ќе предизвика нов ценовен шок и зголемување на цената на сите животни продукти.