Претседателот на Стопанската Комора, Бранко Азески по обраќањето на премиерот пред бизнис заедницата рече дека е добро што Груевски ги признал грешките но и понудил решенија за истите.
„Можеби најголема доблест во животот е човек да ги признае сопствените грешки и да понуди решение за тоа. Тоа треба да е сублимат на денешното обраќање на премиерот Груевски, кој што даде доза оптимизам за сите нас за наредната година: изградба на автопат, модернизација на пруга, вложување во нова хидроелектрична централа, гасификација на Македонија и расчистување на долговите на државата по основ на враќање на ДДВ и по основ на долговите кон компаниите до февруари наредната година.
– Овие ветувања во услови на тешка криза која се најавува и за наредната година треба да бидат силен мотивационен фактор за сите нас кои од салата ќе излеземе убедени дека можеме да и се спротивставиме на кризата и да го пренесеме тој оптимизам и кај граѓаните на Република Македонија“, рече Азески.