Во центарот за култура „Бели мугри“ во Кочани денеска се одржа завршната работилница наменета за млади, ликовни творци во изработката на мозаик и витраж.
Едукативната работилница која имаше и практичен дел ја реализира Друштвото на ликовните уметници на Македонија во соработка со Центарот за култура од Кочани, а истата ја реализираше Владимир Темков, академнски сликар од Кавадарци.
– Целта на оваа работилница е едукација на младите таленти да се доближи ликовната уметност витраж и мозаик до младите ликовни творци.Интересот е мошне голем и ме радува фактот што се повеќе млади творци се занимаваат со овој вид на ликовна уметност, изјави Темков.
Според Александра Димитрова, директор на центарор за култура од Кочани, оваа едукативна работилница е убава можност младите ликовни творци од Студиото за цртање и сликање при центарот да се запознаат со изработката на мозаиците и витражот.
Инаку Ликовната работичлници на ДЛУМ се реализира десетина дена. Започна во Кавараци, гостуваше во Битола и Прилеп, а со денешната работилница во Кочани завршува овој интересен и мошне значаен проект на ДЛУМ.