Завршени се основните подготовки за реализација на Фестивалот на забавни мелодии „Макфест“. Градоначалникот на Општина Штип, Иван Јорданов, вели дека завршен е изборот на композиции, а фестивалот како и претходната година ќе се одржи во Центарот за култура „Ацо Шопов“-Штип. И оваа, како и претходната година, фестивалот го финансира Општина Штип.
-Оваа година општината сама ќе го организира овој фестивал. Очекувам да произлезат добри мелодии кои ќе ја збогатат музичката сцена. Ќе настапуваат и веќе афирмирани музички имиња, но и дебитанти коишто ќе се промовираат на македонската музичка сцена. Ќе се одржи кон средината на октормви во Домот на култура „Ацо Шопов“. Основните подготовки веќе се направени, завршен е изборот на композиции, рече Јорданов.
Оваа година од Министерството за култура беа додели 400.000 денари за „Макфест“ кои од страна на Јорданов беа одбиени.
-Со настан како „Макфест“, кој се организира редовно секоја година во Штип, градот добива посебен белег по кој се памети, додаде Јорданов.
Како и претходната година, и оваа тој очекува посетители од регионот, но и од цела држава.