Под мотото „Да ги споиме нашите светови“ вечер во МНТ ќе се одржи вториот „Бал на различности“ во организација на Здружението на граѓани за лица со дисфункции, хендикеп, ретки болести и посебни потреби „Дајте ни крилја“, а под покровителство на сопругата на претседателот на Република Македонија Маја Иванова.
– Целта на овој настан е во секој сегмент да ги вклучиме лицата со посебни потреби и да помогнеме во подигнувањето и менувањето на свеста кај луѓето, а воедно на сцената јавно ќе имаме можност да им се заблагодариме на сите пријатели, помагатели на Здружението во изминатиов период, вели Ребека Јанковска-Ристески, еден од иницијаторите и основачи на Здружението „Дајте ни крилја“.