Во српското книжевно списание „Sent” објавена е новелата „Свадба на Дорќол“ на Томислав Османли. Новелата на македонскиот автор го отвора блокот прозни објави на тробројот на српското книжевно списание.
Станува збор за поопсежен прозен запис која е дел од книгата на Османли „Светилка за Ханука“ (на македонски објавена во книгоиздателставата „Форум“, 2008 и во „Икона“, 2014) за којашто, инаку, авторот Османли стана лауреат на наградата „Мајстор на прозата“.
Во одново објавената повест во која низ живописни боења и перипетии гради меланхолична приказна на карактери и ситуации, посветена на необична свадба на двајца пристарени еврејски младенци од белградски Дорќол, од времето пред и по избувнувањето Втората светска војната…
Списанието за литература, уметност и култура „Sent“ кое веќе 15 години се појавува во Нови Пазар, а го уредува истакнатиот книжевник Енес Халиловиќ, повеќекратно наградуван автор кој деновиниве го доби и високото литературно признание наградата „Меша Слимовиќ“.