Во Македонија ќе се снима тв серијата „Сенките над Балканот“ во режија на Драган Бјелогрлиќ

Од:

Сцени од телевизискиот серијал „Сенките над Балканот“ по концепт и во режија на Драган Бјелогриќ, почнувајќи од 7 мај ќе се снимаат на локации во Преспа и околината на Битола.

Станува збор за меѓународна копродукција меѓу Кобра филм Србија, Скопје филм студио Македонија и Искра-Москва Русија. Претходно имаше снимање на повеќе локации низ Србија, еден дел во студиото „Баранда“, а екипата ќе работи и во Црна Гора и Русија, соопштија од Скопје филм студио.

Епизодите базираат на сценарија напишани од повеќе автори: Драган Бјелогрлиќ, Даница Пајовиќ, Дејан Стојиљковиќ, Владимир Кецмановиќ, а со главниот режисер на серијалот, на дел од епизодите ќе работат и Коста Ѓорѓевиќ, Данило Бечковиќ, Срѓан Спасиќ, Мирослав Лекиќ и Игор Иванов.

Улогите во „Сенките над Балканот“ ги толкуваат Драган Бјелогрлиќ, Андрија Кузмановиќ, Марија Бергам, Горан Кичиќ, Ненад Јездиќ, Бранимир Брстина, Слободан Бода Нинковиќ, а од Македонија играат актери: Тони Михајловски, Перо Арсовски, Јана Стојановска, Аксел Мехмет, Никола Ристановски, Петар Мирчевски и Дениз Абдула.

Како копродуценти на серијалот со свое учество се вклучија и Радиотелевизија Србија, Радиотелевизија Република Српска и Македонската радиотелевизија. Серијалот е финансиски поддржан и од страна на Агенцијата за филм на Република Македонија

Би можело да ве интересира

Земјотрес e почувствуван во Битола и околината

Општина Битола издвои два милиони денари за семејствата на починатите и за повредените во пожарот во Кочани

Гори големо стрниште во околината на Битола

Мирен протест во Битола: Институциите дозволија живи да горат деца, да гори младината иднината на државата

Битолчани – шампиони во селектирање отпад: Успешно одложени 1 милион парчиња амбалажа во 2024 година

Јубилеј во Битола – 80 години од првиот наставен час на современ македонски јазик