Во Центарот за култура во Дебар се одржа осмото издание на Детскиот фестивал „Радика фест“ на кој беа изведени 13 композиции.
Првото место од стручното жири и припадна на Сара Љубиновска која ја изведе композицијата „Дебарски бисер“, а според публиката најдобра беше групата „Wild kings“ со композицијата „Супер стар“. За најдобар дебитант беше прогласена Ајлин Рамаданоска, која ја исполни композицијата „Принцеза“.
– И авторите и изведувачите, кои се деца на возраст од 7 до 15 години, се од општините од нашиот регион – Дебар, Центар Жупа и Маврово Ростуше, како и неколку градови од државата. Имавме навистина силна конкуренција од секој аспект што е посебно задоволство бидејќи тоа е потврда за реномето на фестивалот, изјави Зинче Мимидиноски, директор на фестивалот.
Тој упати благодарност до Министертвото за култура кое финансиски го помогна одржувањето на фествалот. Поддршка за манифестацијата дадоа и локалната самоуправа на Дебар и Центарот за култура.