Синдикатот за култура денеска пред кабинетот на министерката Елизабета Канческа Милевска, го пушти Посмртниот марш од Бетовен, во знак на протест против измените во законот за култура според кој, како што велат, се сведени на административци, а не уметници.
– Целта на протестот е целосно повлекување на измените на Законот за култура донесени минатата година, зад грбот на сите вработени во оваа сфера. Со измените практично е погазено нашето достоинство како творци, двигатели и негувачи на креативниот дух во културата, а воедно е суспендирано и правото на колективно преговарање. Не се согласуваме нашиот труд и квалитет да биде оценуван од странци во комисии за избор и реизбор, не се согласуваме да бидеме вреднувани според „учинок“, не се согласуваме нашите плати да бидат однапред законски дефинирани со што се оневозможува елементарното право тие да бидат предмет на колективно договарање. Протестираме заради игнорантскиот однос на Министерството за култура, велат културните работници.
Во синдикатот за култура членуваат уметниците и вработените од Македонска филхармонија, Македонска опера, Македонски балет, Национален конзерваторски центар, Археолошки музеј, Музеј на современа уметност, Музеј на македонска борба, НУ за управување си арх.локалитет Стоби, Танец, Завод и музеј Штип, Македонски народен театар, Музеј на Македонија, Драмски театар, Реатар Велес, Национална библиотека и Биг Бенд МРТВ
А.Б.