Од денеска до сабота во градската библиотека „Кочо Рацин“ при Национална установа Центар за кулутра, Крива Паланка отворен е мини-саем на книгата.
Саемот се реализира во соработка со издавачката куќа „Матица Македонска“.
– Читателите можат да не посетат и да купат книги од „Матица Македонска“ по саемски цени, има иложено нивни популарни изданија, лектири, белетристика, книги за деца. Напоредно, на саемот се достапни и книги дел од понудата на библиотеката, новонабавени книги и наслови од расположлливиот постоен книжен фонд, кои може да се купат на штандовите. Целта е да се анимира читателската публика и да се промовира зачленување во библиотеката кое изнесува, симболични двесте денари за цела годинна, изјави Мира Ѓоргиевска, директор на НУЦК, Крива Паланка.
Во бибилиотеката „Кочо Рацин“ воведено е електронско водење евиденција на библиотечниот фонд кој изнесува над 30.000 наслови.
– Библиотеката располага со атуелни наслови белетристика, голем број лектирни изданија и стручна литература, од која најголем интерес кај читателите се пројавуваат за стручните книги од областа на медицината, додаде Ѓоргиевска.
Мини –саемот во Крива Паланка се реализира на штандови пред библиотеката и ќе трае до 20 октомври 2018.