Во рамки на годишната ревија на македонски филмови „Златна рамка 2020“ денеска во кино „Фросина“ ќе се одржи трибина „Жената во македонскиот филм“.
На трибината ќе се разговара за улогата и статусот на жените вклучени во сите сегменти на реализација на еден филм.
Се очекува да се отворат прашањата за тоа колкава е застапеноста на жените во домашната кинематографија, дали жените продуцентки заземаат доволно место во филмската индустрија, колку во сценаријата се потенцираат сите идентитети на еден женски карактер.
Најавени се обраќања на актерките Наталија Теодосиева и Кристина Леловац, костимографката Емилија И.Атанасовска, како и на режисерот Даријан Пејовски и актерот Перо Арсовски.