Сто години од раѓањето на Блаже Конески во Кинотека – кратки документарни филмови и откривање на мурал во чест на великанот

Од:

По повод 30 години независност Република Северна Македонија и 100 години од раѓањето на Блаже Конески вечер со почеток од 20 часот во Кинотеката ќе бидат проектирани документарни филмови и ќе биде откриен муралот посветени на великанот на македонскиот јазик и култура Блаже Конески. Муралот е дело на уметникот Дејвид Стоилковски-Молерај (Куманово, 1997), кој има богато искуство со исцртување на мурали и графити.

Блаже Конески (Небрегово, 19 декември 1921 – Скопје, 7 декември 1993) е еден од најистакнатите македонски книжевни, културни и јавни дејци. Академик, поет, прозаист, есеист, книжевен историчар, филолог и лингвист, преведувач, реномиран славист и професор на Филозофскиот факултет во Скопје. Тој бил и еден од кодификаторите на современиот македонски литературен јазик, основач на Македонската академија на науките и уметностите и една од најзначајните личности во македонската книжевност.

Творештвото на Конески е богато и опфаќа голем број прозни, поетски, есеистички и други дела. Конески е добитник на најзначајните државни награди за своето творештво, меѓу кои и „Златен венец“ на Струшките вечери на поезијата (1981), како и бројни меѓународни признанија.

На вечерта посветена на стогодишнината од раѓањето на великанот ќе бидат проектирани документарни филмови и тв-емисии инспирирани од неговиот живот и посветени на неговото книжевно дело: десетина куси филмови произведени 2021 по нарачка на Министерството за култура, а по повод одбележувањето на јубилејот на Конески, потоа документарните ПРИЛЕП, ВЧЕРА И ДЕНЕС (1959) и ДЕН КОГА СЕ ПРОШТЕВА (1976) во продукција на Вардар филм, како и телевизиските проекти ШАХОТ ВО МАКЕДОНИЈА (2007) и ТВ ЛЕКТИРА – „РАКУВАЊЕ“ ОД БЛАЖЕ КОНЕСКИ (2004).

Во соработка со Фестивалот за урбана култура „Мурал“, кој годинава бележи три години постоење, ќе биде крериран мурал на површина од 20 квадратни метри, изведен во чест на 100-годишнината од раѓањето на Блаже Конески. На него ќе биде отсликан портретот на Конески, задно со одредени одлики на неговото творештво.

Би можело да ве интересира

Денови на македонската култура во Будимпешта – чествување 100 години од раѓањето на Блаже Конески

Ана Ололовска

Поетско читање по повод 100 години од раѓањето на Конески

Ана Ололовска

Предавање на Мојсова-Чепишевска за Конески на Универзитетот во Загреб

Ана Ололовска

Необјавен текст на Блаже Конески претставен на 6. Отворени денови на Институтот за македонски јазик

Поетско читање во чест на 100 години од раѓањето на Блаже Конески во КИЦ Скопје

Централно чествување за Конески во Небрегово

А1он