Министерот за култура Асаф Адеми денеска се сретна со амбасадорката на Швајцарија во Република Македонија, Сибил Зутер Техада.
Како што соопшти Министерството за култура, на средбата беа разменети информации за досегашната соработка на двете држави во областа на културата.
Министерот Адеми ја информирал швајцарската амбасадорка дека Министерството за култура е заинтересирано за продлабочување и интензивирање на културната соработка со Швајцарската Конфедерација, се наведува во соопштението од Министерството.